1.人客的要求
作词：愁人
作曲：愁人
乎人客要求叫我来唱着故乡的情歌 唱出故乡的彼条的情歌
若唱出越会想起昔日的故乡情景
忍着 忍着 忍着 忍着目睭墘 热情的珠泪
一时阵忍不住 煞来哭出来
五色的灯火茫茫来闪炽引我心悲哀 流浪他乡的黑暗酒家内
虽然是为着生活 奔波的苦命的人
这条 这条 这条 这条对着我 真是难为情
无倒返的春梦会叫醒悲伤
人客也流落伤心的目屎做阵来念歌 唱出遥远的乡亲的口味
他敢是与我同款讲未出心内郁卒
今夜 今夜 今夜 今夜不管他 三七二十一
用笑容来唱着故乡的情歌
2.可爱的马
作词：叶俊麟
作曲：井野忠晴
合唱：柯受良
作阵也已经五年 今日也着爱分开
手摸着心爱的马呦 不觉珠泪滴 啊～ 啊～
可爱的马呀 乖乖听人嘴 可爱的马呀 不通流珠泪啊
啊～不通流珠泪 阮也犹原不甘离开 心头像针块威
彼日也伴阮跑过 对面彼平小山仑
想起来像在面前 引人心忧闷 啊～ 啊～
可爱的马呀 时常卡温顺 可爱的马呀 时常思念阮
啊～时常思念阮 原谅阮也为着生活 卖你来换饭吞
日头也将近落西 不甘也着放伊去
依赖着新的主人 不通心伤悲 啊～ 啊～
可爱的马啊 忍耐过日子 可爱的马啊 不通心稀微
啊～不通心稀微 你若有听人教示 人总会疼惜你
3.想着彼个人
放舍彼个人 心肝真不甘 站街路行归晚 不知露水重
咱爱情到今晚 已经无希望
只有看破只有看破 甲你分西东
啊～不通怨恨 望你爱原谅
想起彼个人 心情如葱葱 因为是你父母 看阮无到重
讲阮是无金钱 歹命散赤人
怨恨自已怨恨自已 甲你配抹起
啊～ 希望你会找着好伴侣
梦见彼个人 醒来变成空 引起阮心茫茫 目眶渐渐红
提出着你送我 这张的相片
思思念念思思念念 也是无彩工
啊～ 祝福着你过着好日子
4.再会呀港都
作词：庄启胜
作曲：庄启胜
收着船的碇 船要开船要离开
恋恋不舍的港口再会啦
半年若过去 再更来相会
请你快乐来等候相会时
船要开 船要离开 再会呀港都
虽然装笑容 心内苦着惜别离
你无定怨叹像渡鸟的人
立誓在海面始终的生命
一时来别离怎样会悲伤
船要开 船要离开 再会呀港都
离别了后时 一定寄信来给你
船若是去到位相片也寄去
可爱的街市 再会啦再会
请你保重来等候相会时
船要开 船要离开 再会呀港都
5.黄昏思乡
千里遥远城市 黄昏日头红支支
故乡的山仑景致不时在目墘
叫我想起离开彼时情难离
可爱笑微微 可爱笑微微
心爱的伴侣 乎我思念伊
春天百花照开 山仑鸟只念歌诗
心爱的彼个姑娘怎样过日子
讲要写批乎我知影伊代志
不知为什么 不知为什么
已经过一年 乎我思念伊
叫伊可爱名字 向着故乡彼平天
只有是山坑一片回声带稀微
叫我心酸又搁感觉无元气
黄昏山仑边 黄昏山仑边
孤单感伤悲 乎我思念伊
6.香港恋情
秋风吹港边 夜雾茫茫时 音乐声绵绵 伴咱过一暝
香港月夜见到你 香港恋情不敢放抹记
只有在梦中 夜夜伴着你
太平山脚咱分离 如今你在哪里
口白：是啦 犹原和彼一暝同款 四边也有茫茫的夜雾
毛毛的雨水也冻抹冷着咱两人火一般的热情
你有讲过 只要我那离开香港 你随后就要来
谁知 谁知影我在东港的海边 亲像望穿秋水彼一般
已经也空等你三年啦！唉 痴情的我 痴情的我
是天下第一憨的人啦
今夜犹原是 夜雾茫茫时 音乐声消逝 只有孤鸟啼
香港月夜爱着你 东港海边独相思
只有海风 阵阵送波浪
满腹恋情永难忘 痴情第一憨
7.妈妈歌星
人若问你甲我二人到底啥关系 介绍你是我小妹 不敢讲坦白
虽然是一直掩盖 心情感觉真难过 因为我惦在歌坛最需要是歌迷
人若知我有女儿岁头又这多 恐惊可比秋天的落花 名声飘飘坠落地
一切是环境来造成无聊的命运 满面的胭脂水粉 打扮正青春
上舞台表演歌唱 引人迷魂笑纹纹 因为我惦在歌坛靠艺术趁钱银
母子来相依为命劳苦无议论 那着怨叹无情的郎君 每日心肝乱纷纷
兴趣着唱歌来一唱已经十多冬 亲手来晟养女儿 不愿靠别人
薄情汉离开了后将着爱情拢全放 因为我惦在歌坛有能力再活动
期待着美丽前程 相信有好梦 用心栽培女儿花清香 是我一生的愿望
8.探狱思君(探狱思君怨)
自从我君来监狱里监狱内受罪吗谁人知
为何我君你一时吗失主裁 为何失主裁
到底哪位什代阮吗决了解
愈想愈悲哀 想着君我心伤悲
我声声叫出着你的名字
啊……啊……望君仔早日回乡里
手提水果仔要面会 我君狱内吗块受罪
为情为爱吗为君仔你一个
为君仔你一个路途哪这呢远
行甲脚破皮阮也无怨差
想着我君心伤悲 我声声叫出着你名字
啊…..啊…..望君仔早日回乡里
9.锣声若响
作词：许丙丁
作曲：许石
演唱：张清芳
日黄昏爱人啊要落船 想着心酸目睭罩黑云
有话要讲趁这袸 较输心头乱纷纷 想袂出亲像失了魂
锣声若响 锣声若响就要离开君
船灯青爱人啊在船墘 不甘分离目睭钉着伊
有话要讲趁这袸 较输要讲喉先哽 全无疑哪会按呢生
锣声若响 锣声若响就要离开伊
锭离水爱人啊船要开 吐出大悸恨别嘴开开
一声珍重相安慰 成功返来再做堆 情相累心肝像针威
锣声若响 锣声若响袂得再相随
10.夜半路灯
作词：周添旺
作曲：许石
演唱：张清芳
夜半濛雾罩四边 路灯光微微 路灯光微微
偎在灯柱闷无意 静静等待伊 静静等待伊
听着口琴的声音 春宵夜沉沉 春宵夜沉沉
哪通迫阮独伤心 哀韵暗暗吟 哀韵暗暗吟
夜半路灯照着阮 不知阮心闷 不知阮心闷
四边静静那休困 伤情独自恨 伤情独自恨
孤星伴月渐斜西 冷风又吹来 冷风又吹来
路灯伴阮失主裁 忧愁谁人知 忧愁谁人知
11.怀春曲
作词：高全福
日落西天色黄昏马车跑山仑
咱二人真有缘份相会在这阵
阮心内心正兴奋甲着搭心君
手牵手做阵游赏快乐当青春
恋花开又美又香花心一点红
在等待蝴蝶飞来守阮的花丛
为着伊心情茫茫日头直直暗
提纸笔要写情信寄乎伊一人
想彼时自由自在谈情的意爱
心对心谈恋说爱欢喜无人知
求神明替阮相见甲阮斗催排
保庇阮达成希望幸福的将来
12.送出帆
欢喜船入港 隔暝随出帆
悲伤来相送 恨君行船人
一位过一位 何时再作堆
目睭看港水 我君船只开
情深缘份浅 想着足了然
离远看没现 只有火船烟
无君暗自怨 有君也操烦
今日那这款 港边哭失恋
13.广东花
金炽炽的高贵目镜 红色的马靴
虽然不是千金小姐 出门拢坐车
无论谁人拢是欣羡 这款的运命
谁人知影 阮的运命 像在枉死城
软绑梆的高贵衣衫 狐狸皮一领
虽然不是真正好额 讲话敢大声
无论叨位拢是欣羡 这个好娘子
谁人知影 阮是每日为钱块拚命
黑暗暗的现实世界 多情人失败
虽然赏月嫁好尪婿 又惊人无爱
决心浸在茫茫苦海 忍气甲忍耐
谁人了解 阮是每日为钱块悲哀
14.相思灯
作词：黄俊雄
作曲：黄俊雄
自古红颜多薄命 红颜多薄命 红频薄命 阮也薄命
好梦由来最易醒 好梦由来最易醒 好梦易醒 独有阮梦未醒
心海情波滚未停 滚未停 心海情波滚未停 滚未停
良人何时上归程 今夜独对相思灯 对相思灯 断肠对相思灯
15.安平追想曲
作词：陈达儒
作曲：许石
身穿花红长洋装 风吹金发思情郎
想郎船何往 音信全无通 伊是行船仔逐风浪
放阮情难忘 心情无块讲 相思寄着海边风
海风无情笑阮憨 啊！不知初恋心茫茫
相思情郎想自己 不知爹亲二十年
思念想要见 只有金十字 给阮母亲仔做为记
放阮私生儿 听母初讲起 越想不幸越哀悲
到底现在生也死 啊！伊是荷兰的船医
想起母子的运命 心肝想爹也怨爹
别人有爹疼 阮是母亲晟 今日青春孤单影
全望多情兄 望兄的船只 早日回归安平城
安平纯情金小姐 啊！等你入港铜锣声
16.中山北路行七摆
作词：陈达儒
作曲：陈秋霖
初恋见面双人相意爱 暗中约束散步惊人知
中山北路行七摆 父母知影煞无来
热梅爱期待早送订 用心计较也是欲等兄
用疑讲话无影只 一去无来求亲晟
恨伊绝情侥雄将阮放 害阮终身才着嫁别人
误了初恋的希望 怨叹看镜目眶红
17.暗淡的月
作词：叶俊麟
作曲：吴晋淮
演唱：洪荣宏
无论你怎样妖娇美丽
我已经不再对你痴迷
你的形影 你的一切
总是引起我心里的怨嗟
不管春风怎样吹 也是吹未失
我～我～我满腹的恨火
啊～～今夜又是出了暗淡的月
无论你怎样情意对待
我已经看破了你心内
你的虚情 你的假爱
总是枉费我纯情的目屎
不管命运怎安排 已经抹未消
我～我～我绵绵的悲哀
啊～～今夜又是浸在苦恼的海
18.望你早归
作词：那卡诺
作曲：杨三郎
编曲：王豫民
每日思念你一人 未能得相见
亲像鸳鸯水鸭不时相随 无疑会来拆分离
牛郎织女伊两人 年年有相会
怎样你若一去全然无回 放弃阮孤单一个
若是黄昏月亮欲出来的时 加添阮心内悲哀
你要和阮离开那一日 也是月要出来的时
阮只好来拜托月亮 替阮讲乎伊知
讲阮暝日悲伤流目屎 希望你早一日回来
19.满山春色
满山春色 美丽好游赏 第一相好水底的鸳鸯
你咱可比 彼款的模样 青春快乐这时上自由
满山春色 逍遥好自在 半天鸟只自由排归排
阮的心肝 永远为你爱 万紫千红祝福咱将来
满山春色 欢迎咱逍遥 沿路牵手爽快唱山歌
心心相印 青春上界好 咱的爱情实在世间无
20.港都夜雨
作词：吕传梓
作曲：杨三郎
编曲：詹凌驾／Keith
今夜又是风雨微微 异乡的都市
路灯青青 照着水滴 引阮心悲意
青春男儿不知自己 要行叨位去
啊～漂流万里 港都夜雨寂寞暝
想起当时惦在船边 讲甲糖蜜甜
真正稀微你我情意 煞来拆分离
不知何时会再相见 前情断半字
啊～海风野味 港都夜雨落抹离
海风冷冷吹痛胸前 漂浪的旅行
为着女性费了半生 海面做家庭
我的心情为你牺牲 你那抹分明
啊～茫茫前程 港都夜雨那抹停
21.桃花乡
桃花乡桃花乡是恋爱地
我比蝴蝶
妹妹来比桃花
双脚站齐齐
我的心肝你的心肝
爱在心底爱在心底
爱是宝贝
我的希望只有妹妹
啊桃花乡是恋爱地
我比蝴蝶
妹妹来比桃花
桃花乡桃花乡是恋爱城
满面春风
双双合唱歌声
春风吹入城
我的心肝你的心肝
心肝岸定心肝岸定
相爱相痛
永远甘蜜有妹有兄
啊桃花乡是恋爱城
满面春风
双双合唱歌声
22.日落西山
日落西山近黄昏，
心狂袂食急待君，
想要赶紧来接吻，
也好增加咱情份。
如意郎君啊！
最好正式来订婚，
好事免惊袂招匀，
又是天长配地久，
也袂辜负阮青春。
日落西山黄昏起，
是阮好事相会时，
娘有多情哥有义，
祈愿同心永同居。
如意郎君啊！
夜夜谈情真欢喜，
情重如山话投机，
黄金虽然是宝物，
也袂赢咱糖蜜甜。
日落西山黄昏后，
怎样未到阮娘兜，
恰久也着爱等候，
不敢误君空回头。
如意郎君啊！
所约着爱准时到，
免阮肝火动心头，
一日经过一日老，
青春不通放水流。
23.月夜愁
作词：周添旺
作曲：邓雨贤
编曲：蚁学康
月色照在 三线路 风吹微微 等待的人 那未来
心内真可疑 想抹出 彼个人 啊～ 怨叹月暝
更深无伴 独相思 秋蝉哀啼 月光所照 的树影
加添我伤悲 心头酸 目屎滴 啊～ 无聊月暝
敢是注定 无缘份 所爱的伊 因何乎伊 放抹离
梦中来相见 断肠诗 唱抹止 啊～ 忧愁月暝
24.日日春
作词：陈达儒
作曲：苏桐
阮是日日春．日日闷，天光开花到黄昏；
红花点胭脂．白花抹水粉，开花等待蝴蝶群
阮是日日春．日日愁，怨叹终身谁收留；
虽是薄命花．日日也清秀，不是为着爱风流
阮是日日春．日日苦，怨叹紧开紧落土；
日来受风雨．夜夜冻着露，生成薄命无奈何
25.我有一句话
作词：陈达儒
作曲：侯赐泉
我有一句话想要对你表明
我的心肝内为你相思抹清
若是欲求爱恐惊你肯也不肯
想你的人影不时在阮目睭前
我有一句话想要对你讲起
想着真歹势见面讲天讲地
若是老实讲不知受气无受气
进退真两难空思乱想到半暝
我有一句话想要对你参考
不知你心内即久感觉如何
若是有决心希望永久欲相好
请你讲一句不免害阮憨憨慒
26.六月茉莉
作词：许丙丁
作曲：许丙丁
(一)六月茉莉真正美 郎君仔生做吗真古锥
好花难得成双对 身边无娘仔伊都上克亏
六月茉莉真正香 单身娘仔守空房
好花也着有人挽 没人知影伊都气死人
(二)六月茉莉香透天 单身娘仔无了时
好花也着合人意 当时郎君仔伊都在身边
六月茉莉透暝香 单身娘仔做眠梦
好花开了等下冬 娘仔亲戚伊都何时放
(三)六月茉莉满山香 挽花也得惜花丛
亲像蝴蝶乱乱弄 采过一丛仔伊都又一丛
六丛茉莉分六路 一丛较美搬落湖
日时要挽有人顾 暝时要挽伊都人看无
27.秋怨
作词：周添旺
作曲：杨三郎
(一)行到溪边水流声 引阮头壳痛
每日思君无心成 怨叹阮运命
孤单无伴赏月影 也是为着兄
怎样兄会不知影 放阮故你行
(二)黄昏冷淡日头落 思念阮亲哥
看见孤雁飞过河 目屎轮轮靠
讲阮有红也那无 无人通喂靠
人人讲阮甲君好 想着心照嘈
(三)月色光光照山顶 天星粒粒明
冷风伴阮心未清 目屎滴胸前
前世无做歹心幸 郎君即无情
放阮孤枕夜夜冷 等君回家庭
28.双雁影
作词：陈达儒
作曲：苏桐
秋风吹来落叶声 单身赏月出大庭
看到倒返双雁影 伤心欲哮惊人听
鸿雁哪会这自由 双双迎春又送秋
因何人生未亲像 秋天那来阮忧愁
秋天月夜怨单身 归眠思君未安眠
恨君到今未见面 不知为着什原因
29.白牡丹
作词：陈达儒
作曲：陈秋霖
演唱：胡美红
白牡丹，笑呅呅，妖娇.含蕊.等亲君；
无忧愁，无怨恨，单守.花园.一枝春。
啊！单守.花园.一枝春。
白牡丹，白花蕊，春风.无来.花.无开；
无乱开，无乱美，不愿旋枝.出墙围。
啊！不愿旋枝.出墙围。
白牡丹，等君.挽，希望惜花.头一层；
无嫌早，无嫌慢，甘愿予君.插花瓶。
啊！甘愿予君.插花瓶。
30.青蚵仔嫂
作词：郭大诚
作曲：郭大诚
(一)别人的阿君仔是穿西米啰
阮的阿君仔喂是卖青蚵
人人叫阮是青蚵仔嫂
要吃青蚵仔喂是免惊无
(二)别人的阿君仔是缘投仔送
阮的阿君仔目睭那会拖窗
生做美丑是免怨叹
人讲歹红仔喂是吃抹空
(三)别人的阿君仔是住西洋楼
玩的阿君仔喂是困土脚兜
运命好歹是无计较
若有认真仔喂是会出头
31.补破网
作词：李临秋
作曲：王云峰
看着网 目眶红 破甲这大孔
想要补 无半项 谁人知阮苦痛
今日若将这来放 是永远无希望
为着前途弄破网 找家司补破网
手拿网 头沉重 凄惨阮一人
意中人 走叼藏 哪没来逗帮忙
姑不利将网振动 举网针接西东
天河用现做桥板 全精神补破网
(鱼入网 好年冬 歌诗满渔港
阻风雨 驶孤帆 阮劳力无了工)
雨过天晴鱼满港 最快乐咱双人
今日团圆心花香 从今免补破网
p.s家司：工具的意思
p.s()中的歌词阿芳是用“嗯…”代替，并没有唱
32.思想起
作词：不详
作曲：许丙丁
思啊想起 枫港过去呀伊嘟是车城
花言巧语呀伊嘟未爱听啊嗳哟喂
阿娘仔讲话若有影嗳哟喂
嗳哟刀枪做路也敢行啊嗳哟喂
思想起 甘蔗好吃伊嘟双头甜
大某那娶了啊伊嘟娶细姨嗳哟喂
细姨仔娶来人人爱嗳哟喂
嗳哟放舍大某那上可怜啊伊嘟嗳哟喂
| 
-台语怀念老歌3.jpg)